தத்து(வ) பித்து (அ) புரிதல்

புரிதல்
நான் சொன்னது என் வார்த்தைகள்
நீங்கள் கேட்பது உங்கள் வார்த்தைகள்

நான் எழுதுவது என் எண்ணங்கள்
நீங்கள் படிப்பது உங்கள் எண்ணங்கள்

என் இருப்பிடதிலிருந்து நான் பார்க்கிறேன்
உங்கள் இருப்பிடதிலிருந்து நீங்கள் பார்க்கிறீர்கள்

ஆகையால் சொல்கிறேன்,
நாம் பேச வேண்டிய மொழி அன்பு
அதை சொல்ல வேண்டிய வழி மெளனம்.

சொல்லாமலே!

நான் நீண்ட பயணம் போகிறேன் என்று
வழியனுப்ப வந்த பொழுது
நீ விழியில் விழிகொண்டு காதல் தேடினாய்
அது நமக்கு தெரியும்

ஆனால் நீ ஏமாற்றத்துடன் கைகுலுக்கி
விடை கொடுத்து சென்ற பின்
நீ திரும்பி பார்க்க வேண்டும் என்று
நான் எனக்குள் அழுதது
உனக்கு இதுவரை தெரியாது!

முரண்

வெய்யிலில் செருப்பில்லா சிறுவன்
A.C. கார் அம்மணிக்கு
விற்றுக் கொண்டிருந்தான்
ஐஸ்!!